Southampton getur skellt sér á toppinn í ensku úrvalsdeildinni, um stundarsakir að minnsta kosti, ef liðið vinnur Newcastle í kvöld.

Rúmlega ár er liðið síðan Southampton tapaði 9-0 á heimavelli gegn Leicester en Ralph Hasenhuttl, stjóri liðsins, hefur heldur betur snúið við blaðinu síðan þá. Southampton endaði í 11. sæti á síðasta tímabili og hefur byrjað þetta tímabil frábærlega.

Hasenhuttl og lærisveinar hans hafa unnið fjóra af síðustu fimm leikjum og verið á miklu flugi.

„Ef þú hefðir sagt mér fyrir tímabil að þetta gæti gerst þá hefði ég sagt að þú værir svolítið heimskur," sagði Hasenhuttl á fréttamannafundi.