Gabriel Jesus hefur verið magnaður frá því hann gekk í raðir Manchester City í janúar á síðasta ári. Jesus kemur frá Brasilíu, en lífið þar var öðruvísi en á Englandi.
Jesus, sem hefur skorað 10 mörk á tímabilinu, var vanur að eyða jóladeginum í Brasilíu í að sprengja upp póstkassa í nágrenninu.
Jesus, sem hefur skorað 10 mörk á tímabilinu, var vanur að eyða jóladeginum í Brasilíu í að sprengja upp póstkassa í nágrenninu.
„Stundum keyptum við ný föt og skó fyrir jólin og klukkan 5 opnuðum við pakkana og klæddum okkur í nýju fötin," sagði Jesus þegar hann ræddi við tímaritið GOAL!
„Síðan fórum við vinirnir út á göturnar og sprengdum upp póstkassa hjá öðru fólki með flugeldum. Við vorum vanir að skjóta flugeldum út um allt," sagði þessi spræki framherji enn fremur.
Það er spurning hvort Jesus hafi verið með vinum Mario Balotelli, en Balotelli komst í heimsfréttirnar fyrir nokkrum árum þegar hann fékk þá snilldar hugmynd að skjóta flugeldum út um baðherbergisgluggann á húsinu sem hann var að leigja.
Jesus getur ekki valdið usla þessi jólin þar sem það verður nóg að gera hjá Manchester City í kringum hátíðarnar.
Athugasemdir
