Enski miðjumaðurinn James Milner leikur 500. leik sinn í ensku úrvalsdeildinni um helgina er Liverpool mætir Bournemouth í 16. umferð.
Milner er 32 ára gamall en hann hóf ferilinn hjá Leeds United og spilaði sinn fyrsta úrvalsdeildarleik aðeins 16 ára gamall.
Hann er nú búinn að spila 499 leiki í úrvalsdeildinni og eru allar líkur á því að hann skrái sig í 500 leikja klúbbinn gegn Bournemouth er Liverpool heimsækir liðið á laugardag.
Milner hefur spilað með Leeds, Aston Villa, Newcastle United, Manchester City og Liverpool í úrvalsdeildinni en hann hefur reynst Liverpool afar mikilvægur.
Hann verður um leið tólfti leikmaðurinn til þess að komast í 500 leikja klúbbinn. Hann verður næst yngsti leikmaðurinn til að ná því markmiðið en aðeins Gareth Barry slær honum við þar.
Athugasemdir