Framherjinn knái Ólafur Hrannar Kristjánsson er nú án félags eftir að samningur hans við Leikni R. rann út á dögunum.
Ólafur Hrannar er fæddur árið 1990 og uppalinn Leiknismaður en hann hóf meistaraflokksferilinn með KB árið 2007 þar sem hann vakti athygli er hann skoraði 17 mörk í 13 leikjum í gömlu 3. deildinni.
Hann var lykilmaður í liði Leiknis áður en hann samdi við Þrótt á síðasta ári. Hann lék eitt og hálft tímabil með Þrótturum áður en hann ákvað að snúa aftur í Leikni.
Samningur hans var út tímabilið og er hann því án félags og getur rætt við önnur félög.
Hann spilaði 9 leiki með Leikni í sumar og skoraði 2 mörk en hann á samtals 48 mörk í deild- og bikar með félaginu.
Leiknir hafnaði í 7. sæti Inkasso-deildarinnar í ár með 25 stig.
Athugasemdir