Fótbolti.net

fös 07. febrúar 2020 12:00

Elvar Geir Magnússon

Stebbi Jak spáir í leiki helgarinnar á Englandi

Hljómsveitin Dimma.

Mynd: Eurovision

Fær Raheem Sterling rautt?

Mynd: Getty Images

Leeds vinnur sannfærandi samkvæmt spá Stefáns.

Mynd: Getty Images

Jón Daði Böðvarsson, leikmaður Millwall.

Mynd: Getty Images

Óttar Bjarni Guðmundsson, varnarmaður ÍA, rann á rassinn um síðustu helgi þegar hann var spámaður helgarinnar. Hann var aðeins með einn réttan.

Stefán Jakobsson, söngvari Dimmu, sér um spá helgarinnar. Stefán stendur í stórræðum þessa dagana en drengirnir ætla að hlaða í Almyrkva í Eurovision. Stefán er mikill fótboltaunnandi, styður Liverpool og hefur gert frá blautu barnsbeini

Hann reynir að sjá sína menn um hverja helgi - sem yfirleitt tekst þar sem rokkið og rólið byrjar ekki fyrr en eftir kvöldmat. Stefán gaf sér nokkrar mínútur til að spá og spekúlera í komandi umferð - sem er hálf undarleg enda vetrarfrí í úrvalsdeildinni. Sem þýðir að hann fær að spá fyrir um leik Leeds en fjölmargir Mývetningar, ásamt öðrum norðlendingum fjarri þjóðvegi 1, styðja Leeds.

ENSKA ÚRVALSDEILDIN:

Everton 2 - 1 Crystal Palace (laugardag 12:30)
Það er gríðarlega vinsælt að spá því hér á þessum miðli að Gylfi okkar komi og reddi málunum. Þannig að ég ætla að spá því að svo verði ekki. Þrátt fyrir það mun Everton merja sigur 2-1 í kaflaskiptum leik þar sem Palace kemst yfir.

Brighton 0 - 2 Watford (laugardag 17:30)
Þetta verður bráðskemmtilegur leikur. Watford eru komnir með þunnt bremsufar í brókina og þurfa sárlega að fela fnykinn áður en það verður um seinan. 0-2 verður niðurstaðan og lyktin í rútunni hjá Watford verður bærileg á heimleiðinni.

Sheffield United 1 - 1 Bournemouth (sunnudag 14)
Sheffield liðar verða værukærir í fyrrihálfleik og fá vænan löðrung frá grimmum Bournemouth mönnum. Staðan á hálfleik verður 0-1 Í seinni hálfleik munu Sheffield piltar fatta að þeir eru ekki meistaraefni og þurfa í raun að spila leikinn til að fá punkta. Það teekst næstum og liðin sættast á 1-1 jafntefli

Manchester City 3 - 1 West Ham (sunnudag 16:30)
Þessi leikur verður bráðfyndinn. Raheem Sterling fær rauða spjaldið sem hann átti að fá í síðasta leik. Stemningin hjá City mönnum er svipuð og í fjölskylduboði hjá Sigmundi Davíð. Allir sjá í hvað stefnir en engin þorir að taka á skarið til að afstýra stórslysi. Gæðamunur liðana er samt sem áður mikill og City menn landa 3-1 sigri.

CHAMPIONSHIP-DEILDIN:

Bristol City 3 - 3 Birmingham (í kvöld 19:45)
Þessi leikur er ansi utarlega í mínum radar. Þrátt fyrir það má búast við skemmtilegum leik. 3-3 er niðurstaðan og stuðningsmenn beggja liða hittast á knæpu eftir leik og skemmta sér hið besta.

Wigan 2 - 0 Preston (laugardag 12:30)
Wigan menn eru alveg andlausir og muna klárlega betri daga en þá sem þeir eru að upplifa núna. Preston eru hinsvegar í góðum málum og hálf hissa á þessari fínu stöðu sem þeir eru í. Leikurinn verður síður en svo fallegur og fer ekki í sögubækurnar. Enda engin að búast við því. Markatala Wigan lagast örlítið og þrír punktar í hús. 2-0

Blackburn 1 - 2 Fulham (laugardag 15)
Það er gaman að minnast þess að það er styttra síðan að Blackburn unnu efstudeild heldur en Liverpool. En það gaganast engum að dvelja í fortíðinni. Það vita Fullham mæta vel og hrista fram fínan leik. Útivalla sigur.. Eða valla úti sigur? 1-2

Brentford 0 - 0 Middlesbrough (laugardag 15)
Brent Ford forðast eldinn.. Eða ætti í það minnsta að gera það. Steindautt 0-0 jafntefli

Nottingham Forest 0 - 4 Leeds (laugardag 17:30)
Helmingurinn af eldri kynslóð ættingja minna í Mývatnssveit ásamt Hinriki frænda styður Leeds. Enda ekkert svo langt síðan þeir unnu efstu deild. Allir leikir í sveitinni voru Leeds á móti skríl og samkvæmt gömlum sögum, og unnu Leeds alltaf! Forrest liðar verða viltir í skóginum eins og Hans og Gréta forðum. Þeirra saga fær hinsvegar engan Hollywood endi. Leeds vinnur 0-4

Millwall 3 - 0 West Bromwich (sunnudag 13:30)
Wes brom eru með vesen ef það er skoðað út frá sjónarhorni ættingja minna sem styðja Leeds, Millvall vinnur auðveldan sigur 3-0. Ég vil líka leiðrétta spánna með Leeds leikinn að ofan. Leeds vinnur 0-10. Og ekkert nema Almyrkvi blasir við liðunum sem þykjast ætla að standa í vegi fyrir Leeds!

Sjá fyrri spámenn:
Aron Einar Gunnarsson (7 réttir)
Bjarki Már Elísson (7 réttir)
Kristján Óli Sigurðsson (6 réttir)
Pálmi Rafn Pálmason (6 réttir)
Egill Gillz Einarsson (5 réttir)
Jón Dagur Þorsteinsson (5 réttir)
Sigvaldi Guðjónsson (5 réttir)
Sóli Hólm (5 réttir)
Björn Hlynur Haraldsson (4 réttir)
Albert Brynjar Ingason (4 réttir)
Arnór Sigurðsson (4 réttir)
Ágúst Gylfason (4 réttir)
Friðrik Dór Jónsson (4 réttir)
Logi Bergmann Eiðsson (4 réttir)
Þórður Ingason (4 réttir)
Sigurður Laufdal Haraldsson (3 réttir)
Guðmundur Benediktsson (3 réttir)
Ingibjörg Sigurðardóttir (3 réttir)
Sveinn Ólafur Gunnarsson (3 réttir)
Árni Vilhjálmsson (2 réttir)
Gunnar Birgisson (2 réttir)
Tómas Þór Þórðarson (2 réttir)
Óttar Bjarni Guðmundsson (1 réttur)

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Liverpool	34	22	8	4	75	34	+41	74
3	Man City	32	22	7	3	76	32	+44	73
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	32	11	11	10	52	50	+2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16

		L	U	J	T	ms:	mf:	mun	Stig
1	Leicester	44	30	4	10	86	39	+47	94
2	Leeds	44	27	9	8	80	37	+43	90
3	Ipswich Town	43	26	11	6	85	53	+32	89
4	Southampton	44	25	9	10	85	61	+24	84
5	West Brom	44	20	12	12	67	44	+23	72
6	Norwich	44	21	9	14	77	61	+16	72
7	Hull City	44	19	12	13	65	56	+9	69
8	Coventry	43	17	12	14	68	55	+13	63
9	Middlesbrough	44	18	9	17	64	60	+4	63
10	Preston NE	44	18	9	17	56	61	-5	63
11	Cardiff City	44	19	5	20	50	61	-11	62
12	Bristol City	44	16	11	17	51	47	+4	59
13	Sunderland	44	16	8	20	52	51	+1	56
14	Swansea	44	15	11	18	57	62	-5	56
15	Watford	44	12	17	15	59	58	+1	53
16	Millwall	44	14	11	19	43	55	-12	53
17	Stoke City	44	13	11	20	44	60	-16	50
18	QPR	44	13	11	20	41	57	-16	50
19	Blackburn	44	13	10	21	58	74	-16	49
20	Plymouth	44	12	12	20	58	69	-11	48
21	Sheff Wed	44	13	8	23	39	68	-29	47
22	Birmingham	44	12	10	22	48	64	-16	46
23	Huddersfield	44	9	17	18	47	74	-27	44
24	Rotherham	44	4	12	28	32	85	-53	24