Zaha, sem hefur skorað níu mörk í ensku úrvalsdeildinni á tímabilinu, fór meiddur af velli í sigrinum gegn Newcastle í síðustu viku.

Hann verður ekki með þegar Palace sækir Leeds heim á mánudag. Hann er á meðal tíu leikmanna sem eru á meiðslalistanum hjá Palace um þessar mundir.

„Við vitum ekki hversu lengi hann verður frá en hann verður klárlega ekki með gegn Leeds," sagði Hodgson.

„Þú veist aldrei með það þegar leikmaður meiðist aftan í læri, en Wilf er ótrúlegur þegar kemur að bata og því myndi ég ekki vilja setja tímalínu á þetta. Þetta eru vöðvameiðsli og það tekur tíma fyrir menn að jafna sig á þannig meiðslum."

Hér að neðan má sjá stöðuna í ensku úrvalsdeildinni.