Hector Bellerín mun missa af Evrópudeildarleik Arsenal gegn AC Milan annað kvöld vegna meiðsla. Hann ferðaðist ekki með til Ítalíu þar sem hann er meiddur á hné og gæti misst af næstu leikjum, þar á meðal viðureign gegn Watford næsta sunnudag.
Bellerín var geymdur á bekknum gegn Brighton um síðustu helgi og kjaftasögur voru í gangi um að hann hafi verið ósáttur. Þær sögur eru úr lausu lofti gripnar því Bellerín var lítillega meiddur aftan í læri og var hvíldur til að hann yrði sem ferskastur gegn AC Milan.
Bellerín var ákveðinn í að ná leiknum gegn Milan en verður eftir á Englandi í meðhöndlun.
Leikur AC Milan og Arsenal á morgun verður klukkan 18 en um er að ræða fyrri leik liðanna í 16-liða úrslitum. Eina raunhæfa von Arsenal um að ná Meistaradeildarsæti næsta tímabil er að vinna Evrópudeildina.
Athugasemdir