Mörgum stuðningsmönnum Leicester brá í brún í gærkvöldi þegar óvænt tilkynning birtist á opinberum Facebook vegg Riyad Mahrez.
Tilkynning reyndist vera fölsuð, tölvuhakkarar höfðu komist inn á aðganginn og skrifað í nafni Mahrez.
Tilkynning reyndist vera fölsuð, tölvuhakkarar höfðu komist inn á aðganginn og skrifað í nafni Mahrez.
Í tilkynningunni segir að leikmaðurinn hafi í samráði við lækna ákveðið að leggja skóna á hilluna.
Færslan vakti mikil viðbrögð þó ýmsir hafi bent á að hún væri augljóslega frá einhverjum svikahröppum. Talsmaður Alsíringsins staðfesti það svo að aðgangurinn hafi verið hakkaður.
Mahrez hefur mikið verið í umræðunni en hann fór í verkfall eftir að hafa ekki verið seldur til Manchester City í janúar. Hann er nú kominn á fulla ferð með Leicester og skoraði um síðustu helgi og hefur sagst ætla að leggja sig allan fram fyrir liðið á meðan hann klæðist búningi þess.
Talið er líklegt að Mahrez muni svo færa sig um set næsta sumar.
Athugasemdir