Mane hlakkar til að mæta Man Utd.
Sadio Mane segir að Liverpool geti unnið hvaða lið sem er í heiminum. Skýr skilaboð fyrir stórleik Liverpool gegn Manchester United á Old Trafford á laugardaginn.
Jurgen Klopp og lærisveinar eru aðeins tveimur stigum á eftir Manchester United í baráttunni um annað sætið í deildinni.
Jurgen Klopp og lærisveinar eru aðeins tveimur stigum á eftir Manchester United í baráttunni um annað sætið í deildinni.
Liverpool er komið áfram í 8-liða úrslit Meistaradeildarinnar eftir markalausan leik gegn Porto í gær en Liverpool vann fyrri leikinn 5-0 þar sem Mane skoraði þrennu.
„Þetta verður ekki auðvelt en við getum unnið hvaða lið sem er í heiminum. Manchester United er eitt besta lið Englands, og auðvitað eitt það besta í heimi, en það erum við líka," segir Mane.
„Það er draumur allra leikmanna að taka þátt í svona leik svo tilhlökkunin er mikil."
Leikur Manchester United og Liverpool á laugardag verður klukkan 12:30.
Athugasemdir
