Gareth Southgate, landsliðsþjálfari Englands, sagðist vonast til þess að England yrði fyrir valinu hjá leikmanninum unga en sú varð ekki raunin.

Líklegt er að McTominay muni spila vináttulandsleiki gegn Kosta Ríka og Ungverjalandi síðar í þessum mánuði.

Afi McTominay, Frank, segir að Alex McLeish, landsliðsþjálfari Skotlands, hafi höndlað málið vel.

„Fjölmiðlar hafa verið að fjalla um þetta í tvo eða þrjá mánuði en hann var ekki að öskra úti á torgi. Hann sagðist bara ætla að spjalla við Scott og hann gerði það," segir Frank.

„Sir Alex Ferguson vildi augljóslega að Scott myndi spila fyrir Skotland og leyndi því ekki. Hann og Jose Mourinho hafa báðir hvatt hann til að velja Skotland."

„Sir Alex hefur reynst Scott mjög vel í gegnum árin og hann gaf honum fyrsta atvinnumannasamninginn. Þeir virðast ná vel saman og ég hef séð þá spjalla."