Kjartan Henry Finnbogason.
Kjartan Henry Finnbogason skoraði sigurmark Vejle er liðið vann útisigur á Hvidovre í dönsku B-deildinni á þessum ágæta laugardegi.
Staðan var markalaus í leiknum alveg fram á 94. mínútu, en þá skoraði Kjartan Henry.
90+4. 0-1 Kjartan Finnbogason. (0-1) #VejleB #HIFVB
— Vejle Boldklub (@Vejle_B) March 7, 2020
Það reyndist sigurmarkið enda lítill sem enginn tími fyrir Hvidovre að svara. Vejle, sem féll úr dönsku úrvalsdeildinni í fyrra, er á toppi B-deildarinnar með sjö stiga forystu á Viborg.
Kjartan Henry hefur á tímabilinu skorað 14 mörk í 19 leikjum.
Athugasemdir
