Sean Dyche, stjóri Burnley, var eilítið svekktur í viðtali við Sky Sports eftir 1-1 jafntefli gegn Tottenham í kvöld.
Burnley komst yfir en Tottenham jafnaði þegar Dele Alli skoraði úr vítaspyrnu.
Burnley komst yfir en Tottenham jafnaði þegar Dele Alli skoraði úr vítaspyrnu.
„Við vorum flottir eftir að við fengum á okkur víti en við eigum enn mikið inni," sagði Dyche.
„Í seinni hálfleik þá breytti dómarinn um línu í sinni frammistöðu. Það var dæmt á allt eftir að menn frá Tottenham ræddu við hann í hálfleik."
„Ég hef rætt við háttsetta í deildinni um leikmenn sem henda sér niður og rúlla sér með tilþrifum en enginn hefur áhuga. Það þarf að skoða þetta en það verður ekki gert. Leikurinn í heild þarf að passa sig," sagði Dyche að lokum.
Athugasemdir
