Liverpool 2 - 1 Bournemouth
0-1 Callum Wilson ('9 )
1-1 Mohamed Salah ('25 )
2-1 Sadio Mane ('33 )
0-1 Callum Wilson ('9 )
1-1 Mohamed Salah ('25 )
2-1 Sadio Mane ('33 )
Mohamed Salah og Sadio Mane sáu um Bournemouth í hádegisleik ensku úrvalsdeildarinnar.
Liverpool hafði tapað þremur af síðustu fjórum leikjum sínum fyrir leikinn í dag og ekki byrjaði þessi leikur vel fyrir lærisveina Jurgen Klopp. Á níundu mínútu skoraði Callum Wilson og kom Bournemouth í forystu.
Klopp, stjóri Liverpool, og aðstoðarmaður hans, voru brjálaðir við fjórða dómarann. Markið var skoðað í VAR og eftir það var það dæmt gott og gilt. Liverpool vildi fá dæmda bakhrindingu á Joe Gomez og höfðu þeir klárlega eitthvað til síns máls.
Micheal Oliver has blood on his hands, how is this not a foul on Joe Gomez! #LIVBOU pic.twitter.com/bBFSWTAEs6
— LFC (@RockyKlopp) March 7, 2020
Liverpool gafst þó ekki upp. Á 25. mínútu jafnaði Salah eftir að varamaðurinn Jack Simpson missti boltann á hættulegum stað. Mane átti sendingu á Salah sem skoraði.
Stuttu síðar var Liverpool svo komið yfir og í þetta skiptið var það Mane sem skoraði. Aftur vann Liverpool boltann og refsaði Bournemouth. Van Dijk vann boltann og sendi inn fyrir á Mane sem skoraði.
Bournemouth fékk sitt besta færi til að jafna eftir um klukkutíma leik þegar Ryan Fraser setti boltann yfir Adrian, en James Milner, fyrirliði Liverpool í dag, bjargaði á línu. Liverpool var sterkari aðilinn heilt yfir og var um sanngjarnan 2-1 sigur að ræða.
Liverpool er núna með 25 stiga forskot á toppi deildarinnar og færist nær sínum fyrsta Englandsmeistaratitli í 30 ár. Man City í öðru sæti á tvo leiki til góða. Bournemouth er í 18. sæti með 27 stig úr 29 leikjum.
Fimm leikir hefjast klukkan 15:00. Smelltu hér til að sjá byrjunarliðin.
Athugasemdir