Messi er 32 ára gamall og hefur verið einn allra besti leikmaður heims síðasta áratuginn eða svo.

Þrátt fyrir aldur hans er hann með 23 mörk og 16 stoðsendingar í 30 leikjum á þessari leiktíð en þessi Gatti er þó ekkert sérstaklega heillaður af tölfræðinni.

Gatti spilaði fyrir bæði Boca Juniors og River Plate á ferli sínum auk þess sem hann lék 18 landsleiki fyrir Argentínu.

„Mér er sama þó þeir gagnrýni mig í Argentínu. Ég er mjög svo argentínskur og Messi er undur en hann er það ekki núna," sagði Gatti.

„Þeir upphefja hann endalaust og það er röng meðferð á honum og því kemst hann upp með að labba meira á vellinum. Hann verður að gera betur."

„Hann og Cristiano Ronaldo eru bestu leikmenn heims en Messi verður að gera betur. Hann er orðinn vanur því að vera í þessum takt og labba með boltann. Hann verður að spila vel."

„Þegar þú ert með leikmenn á borð við Maradona, Pele og Messi þá viltu láta þann leikmann fá boltann til að vinna leikinn. Þeir eru að skemma fyrir liðinu og leggja ekki allan kraft í þetta. Leikmenn eru vanir að láta hann fá boltann," sagði hann ennfremur.

Gatti hefur oft haft áhugaverðar skoðanir á hlutum sem tengjast Messi en hann sagði í október á síðast ári að leikmaðurinn yrði að fara til Real Madrid til að sanna að hann væri besti leikmaður allra tíma. Í febrúar hélt hann því þá fram að Messi væri alls ekki með bestu leikmönnum allra tíma.