Tvö víti fóru forgörðum í dag, eitt hjá hvoru liði. Halldór Ingvar Guðmundsson varði fyrst víti frá Dalvíkingum. Í seinni hálfleik var útileikmaðurinn Jóhann Örn Sigurjónsson kominn í markið hjá Dalvíkingum þar sem Patrekur Máni, markvörður liðsins, hafði meiðst illa. Talsverð töf var á leiknum vegna meiðsla Patreks.

Þar sem enginn varamarkvörður var á bekknum hjá Dalvíkingum fór Jóhann í markið og í seinni hálfleik fékk KF víti. Jóhann gerði sér lítið fyrir og varði spyrnuna. Mörk Dalvíkur/Reynis í leiknum skoruðu þeir Borja Lopez Laguna og Númi Kárason.

KF er eftir leikinn með þrjú stig ásamt Einherja en Dalvík/Reynir er á toppnum með fjögur stig.