Klukkan 16:45 hefst leikur Juventus og Napoli í ítölsku A-deildinni. Þetta eru liðin í fjórða og fimmta sæti deildarinnar með jafnmörg stig og mikilvæg stig í baráttunni um Meistaradeildarsæti í boði.

Þessi leikur átti upphaflega að vera í október en var frestað eftir að heilbrigðisyfirvöld í Napoli bönnuðu liðinu að ferðast í leikinn vegna Covid-19.

Þá eru sögusagnir um það að Andrea Pirlo gæti misst starfið sem þjálfari Juventus ef illa fer.

Hirving Lozano, Dries Mertens og Piotr Zielinski eru allir í byrjunarliði Napoli. Þá snýr Kalidou Koulibaly aftur í liðið eftir leikbann.

Juventus er í krísu eftir tap gegn Benevento og jafntefli gegn Torino. Weston McKennie, Arthur og Paulo Dybala snúa allir í hópinn eftir að hafa brotið sóttvarnareglur en þeir byrja á bekknum.

Leonardo Bonucci og Federico Bernardeschi eru með Covid-19 og því í einangrun en Merih Demiral hefur losnað við veiruna og er á bekknum.

Gianluigi Buffon snýr aftur og er í markinu en Wojciech Szczesny hefur gert dýrkeypt mistök að undanförnu. Cristiano Ronaldo er á sínum stað.

Byrjunarlið Juventus: Buffon; Danilo, De Ligt, Chiellini, Alex Sandro; Cuadrado, Bentancur, Rabiot, Chiesa; Morata, Ronaldo

(Varamenn: Szczesny, Pinsoglio, Demiral, Frabotta, Dragusin, Di Pardo, Arthur, McKennie, Fagioli, Ramsey, Kulusevski, Dybala)

Byrjunarlið Napoli: Meret; Di Lorenzo, Rrahmani, Koulibaly, Hysaj; Fabian Ruiz, Demme; Lozano, Zielinski, L Insigne; Mertens

(Varamenn: Contini, Ospina, Bakayoko, Mario Rui, Elmas, Osimhen, Maksimovic, Politano, Petagna, Manolas, Cioffi, Lobotka)

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit