Anna Björk ræðir málin við Sonný Láru
Anna Björk Kristjánsdóttir er gestur í nýjasta þætti Heimavallarins. Síðasti landsleikur Önnu var árið 2019 og Jón Þór Hauksson, landsliðsþjálfari, valdi Önnu ekki í síðasta landsliðshóp.
Anna sem er 30 ára gömul stefnir á að koma sér aftur í liðið og segist ekki vera búin að spila sinn síðasta landsleik.
Anna sem er 30 ára gömul stefnir á að koma sér aftur í liðið og segist ekki vera búin að spila sinn síðasta landsleik.
„Nei, ég vil ekki meina það. Mér finnst ég eiga nóg inni. Sérstaklega þegar ég hugsa út í það hvað ég byrja landsliðsferilinn minn seint, 23 ára. Mér líður vel í líkamanum og finnst ég eiga mörg ár eftir.”
„Ég stefni á það að halda mér áfram í landsliðinu og set metnað minn í það. Og ég er ekkert að hugsa bara um að vera í landsliðinu heldur vil ég komast aftur í byrjunarliðið. Ég er að hugsa um hvernig ég get bætt mig og minnt svolítið á mig.”
Anna ætlar að spila á Íslandi í sumar en er hún komin endanlega heim?
„Ég er alls ekkert að hugsa um að ég sé að koma til Íslands og ég sé södd eða svoleiðis. Ég sé mig spila á Íslandi í sumar og svo sé ég bara til hvað gerist eftir það. Ég sé mig alveg fara út aftur."
Hlustaðu á Heimavöllinn hér að neðan eða á streymisveitunni þinni.
Athugasemdir
