Hinn 26 ára gamli Berahino á eitt ár eftir af samningi sínum hjá belgíska félaginu Zulte Waregem, en hann gæti verið einn af þeim leikmönnum sem fara á sölulista í sumar þar sem félagið á miklum fjárhagsvandræðum vegna kórónuveirufaraldursins.

Félög á Frakklandi og Ítalíu eru sögð áhugasöm um Berahino sem myndi íhuga tilboð frá Englandi.

„Á Englandi kviknaði ást mín á fótbolta og ef það myndi koma upp tækifæri að fara þangað þá myndi ég kláralega skoða það," sagði Berahino við Daily Mail.

Berahino er fyrrum leikmaður West Brom og Stoke, en hjá síðarnefnda félaginu átti hann í miklum vandræðum innan sem utan vallar. Í Belgíu hefur hann staðið sig nokkuð vel og skorað átta mörk í 22 leikjum.