Kylian Mbappe hefur verið krýndur markakóngur frönsku deildarinnar eftir að ákveðið var að binda enda á knattspyrnutímabilið þar í landi.
Mbappe skoraði 18 mörk, eins og Wissam Ben Yedder sóknarmaður Mónakó, en var krýndur kóngur því hann skoraði úr færri vítaspyrnum.
Stoðsendingar eða mínútur spilaðar voru ekki skoðaðar.
Báðir lögðu þeir upp sjö mörk en Mbappe spilaði 600 mínútum minna.
Mbappe er talinn meðal allra bestu knattspyrnumanna heims þrátt fyrir að vera aðeins 21 árs gamall. Hann er búinn að skora fimm og leggja upp fimm á 446 mínútum í Meistaradeild Evrópu á tímabilinu.
Athugasemdir
