Havertz er eftirsóttur af stærstu liðum Evrópu og áhugavert verður að sjá hversu há tilboð berast í hann eftir að efnahagsáhrif Covid-19 á fótboltaheiminn skýrast frekar.

Havertz er tvítugur miðjumaður sem getur einnig spilað frammi og hefur skorað 35 mörk í þýsku deildinni. Þar að auki er hann búinn að ryðja sér leið inn í landslið Þjóðverja eftir að hafa verið skærasta stjarna U19 og U17 landsliðanna.

Bild heldur því fram að Real sé reiðubúið til að greiða fyrir Havertz í sumar og lána leikmanninn aftur til Leverkusen út næstu leiktíð. Hann myndi því ekki spila sinn fyrsta leik fyrir Real fyrr en í seinni hluta næsta árs.