Það borgaði sig því Nikolaj Hansen jafnaði metin í blálokin.

Sölvi Geir Ottesen, miðvörðurinn sterki, kom inn á sem varamaður og hann spilaði framar á vellinum en hann er vanur.

„Ég er mjög ánægður með þátt varamanna í dag," sagði Arnar eftir leikinn.

„Sölvi var frammi í gær í ungir vs gamlir og var helvíti góður. Ég sagði við hann að hann myndi koma inn sem senter, en mig minnir að það hafi verið meira í gríni frekar en ekki. Hann er sterkur skallamaður og tekur mikið til sín. Það er líka markanef í honum."

„Þetta er eitthvað öðruvísi. Mig minnir að Tottenham hafi gert þetta á móti Ajax í undanúrslitum Meistaradeildarinnar á sínum tíma. Þú hendir einhverjum fram og vonast eftir einhverju. Auðvitað þarftu að hafa heppnina með þér til að þetta gangi upp."