Tveir áhugaverðir leikir voru að klárast í 2. deild karla. Vestri og Grótta sem hafa verið að valda ákveðnum vonbrigðum í upphafi móts unnu sína leiki og virðast vera að detta í gang.
Vestri heimsótti nýliða Þróttar í Vogum, sem byrjuðu mótið afar vel en hafa verið að dala.
Aðeins eitt mark var skorað í leiknum og það gerði James Mack þegar 77 mínútur voru liðnar.
Í leik Gróttu og Fjarðabyggðar, sem fram fór á sama tíma, var aldrei spurning um sigurvegara. Grótta valtaði yfir Fjarðabyggð og urðu lokatölurnar 6-0 fyrir heimamenn.
Þróttur V. 0 - 1 Vestri
0-1 James Mack ('77)
Grótta 6 - 0 Fjarðabyggð
1-0 Arnar Þór Helgason ('13)
2-0 Óliver Dagur Thorlacius ('27)
3-0 Óliver Dagur Thorlacius ('29)
4-0 Óliver Dagur Thorlacius ('51, víti)
5-0 Axel Freyr Harðarson ('56)
6-0 Sölvi Björnsson ('90)
Hvað þýða þessi úrslit?
Vestri hefur unnið fjóra leiki í röð og Grótta tvo. Bæði lið eru með 17 í fjórða og fimmta sæti deildarinnar. Þróttur Vogum er í þriðja sæti með 18 stig og Fjarðabyggð er með 16 stig í sjöunda sæti.
Markaskorarar af urslit.net
Athugasemdir