England mætti Svíþjóð núna áðan og er ekki hægt að segja annað en að sigurinn hafi verið frekar auðveldur fyrir Englendinga.

Harry Maguire kom Englandi yfir á 30. mínútu með skalla eftir hornspyrnu. Þetta var hans fyrsta landsliðsmark og glöddust meðlimir í aðdáendaklúbbi hans á Íslandi mjög.

Staðan var 1-0 í hálfleik, sanngjarnt. Eftir um stundarfjórðung í seinni hálfleiknum skoraði Dele Alli annað mark Englands eftir undirbúning Jesse Lingard, 2-0.

Svíar fengu ágætis tækifæri til að svara en Jordan Pickford sá við öllu. Hann var virkilega flottur í dag eins og flestir aðrir leikmenn Englands. Lokatölur 2-0 fyrir England.

Pickford var valinn maður leiksins og má sjá viðtal við hann í spilarnum hér að ofan.