Enska úrvalsdeildarfélagið Crystal Palace er að ganga frá kaupum á Jordan Ayew, leikmanni Swansea City í ensku B-deildinni. Þetta kemur fram á BBC í dag.
Ayew er 27 ára gamall framherji en hann eyddi síðustu leiktíð á láni frá Swansea hjá Palace.
Hann lék 24 deildarleiki og skoraði 2 mörk en Palace er nú að ganga frá kaupum á leikmanninum.
Kaupverðið er talið vera 2,5 milljónir punda með bónusum og er búist við að Palace staðfesti kaupin eftir Afríkukeppnina.
Ayew er með Gana í Afríkukeppninni en liðið spilar gegn Túnis í 16-liða úrslitum á morgun.
Andre Ayew, bróðir Jordan, er einnig á förum frá Swansea en félagið vill lækka launakostnað. Jefferson Montero og Borja Baston eru einnig sagðir á förum frá velska félaginu.
Athugasemdir