Arsenal missti af Meistaradeildarsæti í ensku úrvalsdeildinni þriðja árið í röð og tapaði fyrir erkifjendunum í Chelsea í úrslitaleik Evrópudeildarinnar.
Pierre-Emerick Aubameyang og Alexandre Lacazette eru helsta ástæðan fyrir því að ekki fór verr. Lacazette gaf viðtal við FourFourTwo á dögunum og sagði þar að félagið ætti að leggja alla áherslu á að ná Meistaradeildarsæti á næsta tímabili. Það ætti að hvíla lykilmenn í bikarkeppnum.
„Félag eins og Arsenal þarf að spila í Meistaradeildinni á hverju tímabili. Við getum byrjað að hugsa um að vinna titla eftir nokkur ár, fyrst þurfum við að festa okkur í sessi í Meistaradeildinni," sagði Lacazette.
Aubameyang tók undir. „Það verður að vera aðalmarkmið Arsenal á hverju tímabili. Þegar maður mætir aftur til æfinga þá tala allir um Meistaradeildina. Við viljum heyra Meistaradeildarlagið aftur, það er kominn tími til. Við höfum gæðin til að vera samkeppnishæfir."
Athugasemdir