mið 07. júlí 2021 11:30
Sæbjörn Þór Þórbergsson Steinke
Messi gerði grín að Mina eftir vítið - „Dansaðu núna!"
Emi ver frá Mina
Emi ver frá Mina
Mynd: EPA
Það vakti athygli þegar Yerry Mina fagnaði í miðri vítaspyrnukeppni þegar Kólumbía og Úrúgvæ mættust í 8-liða úrslitum Copa America. Mina fagnaði með því að dansa.

Hann fékk ekki tækifæri til að fagna í nótt þegar hann klikkaði á vítaspyrnu gegn Argentínu í undanúrslitum. Argentína vann í vítaspyrnukeppni, 3-2. Emiliano Martínez, markvörður Argentínu, var hetjan en hann varði þrjár spyrnur Kólumbíumanna.

Áður en Mina tók vítið reyndi Martínez að taka hann úr jafnvægi með því að láta hann heyra það. „Ég þekki þig, ég mun borða þig lifandi, ég mun borða þig lifandi," sagði Martínez áður en hann skutlaði sér og varði frá Mina.

Lionel Messi var mjög sáttur með sinn mann og lét Mina heyra það í kjölfarið. Mögulega var Messi ósáttur við eitthvað úr leiknum en glímdi við Mina í nokkrum návígum í leiknum.

„Dansaðu núna! Dansaðu núna!" kallaði Messi og þurfti aðstoðardómari að biðja Messi um að róa sig. Messi klappaði svo kaldhæðnislega fyrir Mina á leiðinni til baka.

Tvær klippur af vítaspyrnunni má sjá hér að neðan.



Athugasemdir
banner
banner
banner