Topplið Vals í Pepsi Max-deildinni verður án Rasmus Christiansen og Birkis Heimissonar í næsta deildarleik sínum. Þeir eru búnir að safna fjórum spjöldum á haus og þurfa því að fara í leikbann.
Valur er að fara að mæta Dinamo Zagreb í forkeppni Meistaradeildarinnar í kvöld en næsti deildarleikur liðsins verður gegn botnliði ÍA þann 17. júlí og þá verða Rasmus og Birkir í leikbanni.
Valur er að fara að mæta Dinamo Zagreb í forkeppni Meistaradeildarinnar í kvöld en næsti deildarleikur liðsins verður gegn botnliði ÍA þann 17. júlí og þá verða Rasmus og Birkir í leikbanni.
Næsti leikur Skagamanna er botnbaráttuslagur gegn Leikni í Breiðholtinu næsta mánudag. Breski varnarmaðurinn Alex Davey verður ekki með ÍA í þeim leik vegna uppsafnaðra áminninga.
Á sama tíma mætast KR og Keflavík en Grétar Snær Gunnarsson er kominn með fjögur gul og verður ekki með KR í þeim leik. Kristján Flóki Finnbogason verður einnig í leikbanni þar sem hann fékk rautt í sigrinum gegn KA.
Í Lengjudeildinni verður topplið Fram án tveggja leikmanna vegna leikbanna þegar liðið heimsækir Aftureldingu á föstudag. Alex Freyr Elísson og Aron Þórður Albertsson verða fjarri góðu gamni.
Arnar Þór Helgason, leikmaður Gróttu, er kominn í þriggja leikja bann og Kristófer Melsted verður einnig í banni þegar Seltirningar heimsækja ÍBV á föstudag.
Davíð Þór Ásbjörnsson og Leonard Sigurðsson, leikmenn Kórdrengja, verða í banni í heimaleik gegn Vestra á laugardaginn. Vladimir Tufegdzic tekur út leikbann hjá gestunum.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir