Arsenal er mjög nálægt því að ganga frá samningi við brasilíska leikmanninn Willian að sögn Sky Sports.

Hinn 31 árs gamli Willian er laus allra mála eftir að samningur hans hjá Chelsea rann út á dögunum.

Willian vildi fá þriggja ára samning hjá Chelsea en ekki tveggja eins og tilboð félagsins hljóðaði upp á.

Arsenal var tilbúið að bjóða þriggja ára samning og Willian ku nú vera mjög nálægt því að ganga til liðs við félagið.