KH sigraði Vængi Júpíters með tveimur mörkum gegn engu í úrslitakeppni fjórðu deildar í kvöld. Með sigrinum tryggði liðið sér sæti í 3. deild á næstu leiktíð.
Sturla Ármannsson skoraði síðara mark mark KH en Fótbolti.net var á staðnum og fékk hann í viðtal eftir leikinn.
„Mér líður frábærlega, þetta er búið að vera langt tímabil, Covid pása, heimaæfingarnar, bara geggjað. Búið að vinna fyrir þessu í allan vetur og ég bara trúi þessu ekki."
Hann sagði að það hafi nánast allt gengið upp hjá þeim í kvöld.
„Við ætluðum að pressa þá í byrjun og skora mark, þetta annað mark nokkurn vegin tryggði þetta, við hefðum geta skorað þrjú eða fjögur."
Það var skýrt markmið fyrir mót að fara upp.
„Algjörlega. Erum með geggjaðan hóp, menn á bekknum sem gætu verið að byrja nánast í öllum liðum í fjórðu deildinni, allan tíman að fara upp, það var ekkert annað í boði."
Viðtalið í heild má sjá í spilaranum að ofan
Athugasemdir
