Sveinn Þorkell Jónsson fyrirliði liðsins var að vonum léttur er Fótbolti.net spjallaði við hann eftir leikinn.

„Þetta er geggjað, það sem við erum búnir að vinna fyrir í allt sumar, þetta er léttir á sama tíma og þetta er æðislegt. Mér leið þægilega allan leikinn, fannst við vera með þetta og held að allir hafi gert það."

Hann var ánægður með að ná að setja tóninn með marki snemma leiks.

„Það hjálpaði að setja mark frekar snemma, setja tóninn aðeins fyrir þetta. Við hefðum geta sett fleiri mörk í fyrri hálfleik, dettum aðeins niður í seinni en svörum svo fyrir okkur."

Liðið mætir Kormáki/Hvöt í úrslitaleik á laugardaginn. Sveinn segir að liðið ætli að bíða með að fagna sætinu í 3. deild eftir að liðið vinnur bikarinn.

„Við fögnum vel inní klefa núna og svo verður eitthvað meira á laugardaginn með bikarnum," sagði Sveinn og hló.

Hann var spurður í lokin hvort KH væri með besta liðið í 4.deild.

„Eigum við ekki að segja það, við sýnum það á laugardaginn."

Viðtalið í heild má sjá í spilaranum að ofan