Það er uppselt á leik Íslands við Þýskaland í undankeppni HM á Laugardalsvelli annað kvöld.
Það fór af stað ný miðasala í gær; eftir góða reynslu af framkvæmd sóttvarnarreglna í leikjunum gegn Rúmeníu og Norður-Makedóníu var ljóst að svigrúm væri til að fjölga sóttvarnarhólfum fyrir leikinn við Þýskaland.
Nýja miðasalan fór af stað í hádeginu í gær og seldust allir þeir miðar sem voru í boði.
Leikurinn fer fram á Laugardalsvelli á morgun, þriðjudag, kl. 18:45 en búist er við um 3.600 áhorfendum á leikinn.
Í leikjunum tveimur á undan var aðeins möguleiki á 2200 áhorfendum.
Athugasemdir