Vilhjálmur Alvar Þórarinsson hefur verið valinn til að dæma leik Norður-Írlands og Slóvakíu í undankeppni EM 2023 hjá U21 landsliðum karla.
Vilhjálmi til aðstoðar verða þeir Gylfi Már Sigurðsson og Þórður Arnar Árnason. Fjórði dómari er Helgi Mikael Jónasson.
Liðin mætast í Lurgan á Norður-Írlandi í kvöld klukkan 18:30 á íslenskum tíma.
Slóvakía er með þrjú stig eftir eina umferð á meðan Norður-Írland er án stiga. Slóvakía lagði Litháen að velli á meðan Norður-Írar steinlágu gegn Möltu.
Athugasemdir