Chelsea liðið hefur ekki litið vel út í upphafi tímabils og var þeirra besti leikur sennilega gegn Tottenham sem endaði á einhvern ótrúlegan hátt með 2-2 jafntefli eftir að Chelsea hafði haft mikla yfirburði. Fyrir utan þann leik hefur verið mikið hikst á leik Chelsea og var ákveðið eftir tapið gegn Dinamo Zagreb í gær að reka Thomas Tuchel sem stjóra félagsins.
Á meðan félagsskiptaglugginn var opinn í sumar eyddi Chelsea hærri upphæð en nokkuð annað enskt félag hefur gert í einum glugga. Tíu leikmenn voru fengnir inn fyrir 270 milljónir punda.
Todd Boehly, nýi eigandi Chelsea, ætlaði að styrkja liðið og vantaði ekki að hann var tilbúinn að eyða til þess að fá menn inn. Fengnir voru inn dýrir leikmenn; Marc Cucurella kom á risaupphæð frá Brighton, Raheem Sterling kom frá Manchester City, Wesley Fofana frá Leicester og Kalidou Koulibaly frá Napoli.
Pierre-Emerick Aubameyang kom frá Barcelona á lokadegi gluggans og hinn efnilegi Carney Cukwuemeka var einnig fenginn inn.
Þrátt fyrir fullt af nýjum leikmönnum þá voru hlutirnir ekki að ganga strax í byrjun tímabils og þolinmæði eigandanna á þrotum. Það á að prófa eitthvað nýtt og hefur félagið strax verið orðað við Graham Potter sem er stjóri Brighton.
Það er margt mjög athyglisvert við stjóratíð Tuchel, eitt af því sem athyglisvert er að skoða er markafjöldinn sem Chelsea hefur fengið á sig. Leikurinn í Zagreb í gær var hans hundraðasti við stjórnvölinn.
Í fyrstu fimmtíu leikjum undir stjórn Tuchel hélt liðið hreinu í 31 þeirra og fékk einungis á sig 24 mörk. Í fimmtíu síðustu leikjum hans hélt liðið átján sinnum hreinu en fékk 53 mörk á sig.
Varnarleikurinn hefur versnað, Edouard Mendy í marki liðsins hefur ekki litið vel út í talsverðan tíma og tveir byrjunarliðsmenn fóru á frjálsri sölu í sumar. Ennþá á eftir að smíða saman nýja vörn og koma þeim Koulibaly, Fofana og Cucurella í fullkomin takt við leik liðsins.
Það er ekkert bara varnarleikurinn sem hefur versnað því
Eftir leikinn við Zagreb sagði Tuchel: „Það vantar allt eins og staðan er núna" og það er kannski það sem eigendurnir sáu líka, ákváðu að gera eitthvað í málunum og sjá hvort hægt væri að laga gengi liðsins með nýjum stjóra.
Næsti leikur Chelsea er gegn Fulham í hádeginu á laugardag og verður fróðlegt að fylgjast með því hvernig málin þróast hjá Chelsea þangað til.
📋 Thomas Tuchel's record as Chelsea head coach:
— Sky Sports Statto (@SkySportsStatto) September 7, 2022
Games - 100
Wins - 63*
Draws - 19
Defeats - 18*
Clean sheets - 49
Major trophies - 3
* Includes 3 wins and 2 defeats on penalties
🏆 2021 UEFA Champions League
🏆 2021 UEFA Super Cup
🏆 2022 FIFA Club World Cup#CFC pic.twitter.com/CVkTlxLiE4
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Liverpool | 34 | 22 | 8 | 4 | 75 | 34 | +41 | 74 |
3 | Man City | 32 | 22 | 7 | 3 | 76 | 32 | +44 | 73 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Man Utd | 33 | 16 | 5 | 12 | 51 | 50 | +1 | 53 |
7 | Newcastle | 33 | 15 | 5 | 13 | 69 | 54 | +15 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Bournemouth | 34 | 12 | 9 | 13 | 49 | 60 | -11 | 45 |
11 | Brighton | 32 | 11 | 11 | 10 | 52 | 50 | +2 | 44 |
12 | Wolves | 34 | 12 | 7 | 15 | 46 | 54 | -8 | 43 |
13 | Fulham | 34 | 12 | 6 | 16 | 50 | 54 | -4 | 42 |
14 | Crystal Palace | 34 | 10 | 9 | 15 | 44 | 56 | -12 | 39 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 34 | 11 | 8 | 15 | 36 | 48 | -12 | 33 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 34 | 3 | 7 | 24 | 33 | 92 | -59 | 16 |
Athugasemdir