Miðjumennirnir, Arthur Melo og Thiago Alcantara, gætu báðir tekið þátt í leik Liverpool gegn Napoli í Meistaradeild Evrópu í kvöld en þetta sagði Jürgen Klopp, stjóri liðsins á blaðamannafundi í gær.
Thiago hefur verið frá vegna meiðsla síðan í byrjun ágúst en hann byrjaði að æfa með liðinu á nýjan leik á mánudag og mun væntanlega spila gegn Napoli.
„Thiago er mættur aftur á æfingu. Hann æfði annan daginn í röð í gær og er klár. Það kemur í ljós hvað hann getur spilað mikið, " sagði Klopp um Thiago.
Liverpool bætti við sig miðjumanni undir lok gluggans er það fékk Arthur á láni frá Juventus.
Hann var í hópnum gegn Everton um helgina en kom ekkert við sögu. Arthur gæti fengið mínútur í kvöld.
„Hann getur spilað en ekki allan leikinn, sagði Klopp um Arthur.
Athugasemdir