Fréttaritari sló á létta strengi undir lok fundar og spurði Birki hvernig væri að spila með Balotelli. Birkir var einnig spurður hver í íslenska liðinu líkastur Balotelli.

„Ég held það sé enginn líkur Mario Balotelli," sagði Birkir léttur.

„Það er ótrúlega gaman að spila með honum og skemmtileg týpa. Þetta er skemmtileg spurning. Hann er frábær týpa og frábær persónuleiki og mjög gaman að vera í liði með honum," sagði Birkir.

Birkir var í kjölfarið spurður út tyrkneskt brúðkaup sem hann var í á dögunum, hægt var að sjá myndir úr því á Instagram fyrir ekki svo löngu síðan.

„Það var skemmtilegt að upplifa það, það er fjör." Arnar landsliðsþjálfari spurði Birki hvort hann hefði farið á dansgólfið. „Já, smá. Maður var dreginn á gólfið."