Jurgen Klopp, stjóri Liverpool, hefur tjáð sig um fyrrum leikmann liðsins sem hann vann einnig með hjá Mainz í Þýskalandi.
Klopp var beðinn um að nefna einn leikmann sem hann væri til í að vinna með á ný ef þeir fengu báðir að byrja upp á nýtt.
Úkraínumaðurinn Andriy Voronin varð fyrir valinu en hann lék með Mainz frá 2000 til 2003 og svo Liverpool frá 2007 til 2010.
Voronin lagði skóna á hilluna árið 2013 en hann lék aðeins 27 deildarleiki fyrir Liverpool á þremur árum.
„Andriy Voronin. Ef Andriy hefði vitað hversu góður hann gat orðið.. Það hefði verið stórkostlegt,“ sagði Klopp.
„Hann var ótrúlegur leikmaður með ótrúleg gæði. Þetta var örlítið ósanngjarnt. Á fyrsta árinu sem þjálfari þá notaði ég hann bara sem varamann.“
„Hann kom síðar á skrifstofuna og spurði mig af hverju hann fengi aldrei að byrja. Ég svaraði og sagði ástæðuna vera því hann kvartaði aldrei yfir því að vera á bekknum.“
„Hann sagði bara allt í lagi og hélt áfram á varamannabekknum.“
Athugasemdir
