Það er hörð barátta um að verða næsti aðalmarkvörður landsliðsins, Elías Rafn Ólafsson hefur verið heitastur af markvörðunum þremur og spilað gríðarlega vel fyrir Midtjylland í Danmörku.

Fótbolti.net spáir því að reynsluboltarnir Birkir Már Sævarsson og Ari Freyr Skúlason verði í bakvörðunum. Guðmundur Þórarinsson gæti þó spilað í vinstri bakverðinum en hann hefur verið að spila mjög vel í Bandaríkjunum. Brynjar Ingi Bjarnason og Hjörtur Hermannsson hafa sýnt að þeir geta náð vel saman í miðverðinum.

Viðar Örn Kjartansson verður líklega í fremstu víglínu með tvo unga leikmenn sitthvoru megin við sig. Jón Dagur Þorsteinsson hefur spilað virkilega vel í Danmörku og er líklegur til að byrja. Mikael Anderson gerir einnig sterkt tilkall.