Áhorfendur bauluðu á Donnarumma í leiknum og virtist það hafa áhrif á markvörðinn unga.

Donnarumma er alinn upp hjá Milan og spilaði þar sex tímabil með aðalliðinu áður en hann ákvað að ganga til liðs við Paris Saint-Germain í sumar.

Stuðningsmenn Milan voru mjög ósáttir við hegðun Donnarumma og þá ákvörðun að yfirgefa félagið á frjálsri sölu.

Roberto Mancini, þjálfari ítalska landsliðsins, var hins vegar ósáttur með að Donnarumma hafi ekki fengið stuðning sem leikmaður landsliðsins.

„Þetta hefur ekki farið vel í hann alveg eins og þetta fór ekki vel í okkur. Gigio gerði vel. Hann var að spila fyrir Ítalíu, ekki félagslið sitt," sagði Mancini.

„Það hefði verið hægt að leggja þetta til hliðar eitt kvöld og beðið eftir því að PSG og Milan myndu mögulega mætast á einhverjum tímapunkti. Ítalía er alltaf Ítalíu og það gengur alltaf framyfir allt annað," sagði hann í lokin.