Morten er 33 ára danskur framherji sem kom fyrst til íslands árið 2016 og lék þá með KR. Um mitt tímabilið 2019 kom Morten til FH og skoraði átta mörk í átta leikjum og í kjölfarið var samið við hann til tveggja ára.

Árið 2020 skoraði Morten eitt mark í deildinni og tvö í bikarnum og í sumar skoraði hann eitt mark í sautján deildarleikjum og eitt mark í tveimur bikarleikjum.

„Ég held að Óli Jó hafi bara haldið að ég væri á leiðinni til Danmerkur. Ég verð ekki áfram hjá FH en ég er mjög opinn fyrir því að vera áfram á Íslandi þar sem fjölskyldunni líður vel hér. Mig langar að kanna hvort það sé möguleiki en það er aðeins erfiðara að halda áfram á Íslandi ef allir halda að ég ætli til Danmerkur," sagði Morten við Fótbolta.net í vikunni.

Nánar var rætt við Morten og verður viðtalið í heild birt í dag.