United gekk frá kaupum á Ronaldo frá Juventus á lokadegi gluggans í einhverjum stærsta félagaskiptagluggi allra tíma.

Ronaldo hefur persónulega byrjað vel með liðinu. Skorað fimm mörk í fimm leikjum, þar af þrjú í deild og tvö í Meistaradeild.

Shaw segir að hugarfar portúgalska leikmannsins hafi smitast inn í hópinn.

„Það er náttúrlega vitað að hann er stjarna og allt sem hann hefur gert í öll þessi ár. Það er eiginlega ótrúlegt að deila klefa með honum," sagði Shaw við BBC.

„Þú sérð hvernig hann ber sig og hvað hann gerir allt af mikilli fagmennsku. Það er frekar augljóst af hverju hann hefur verið á toppnum í öll þessi ár."

„Það er enginn með betra hugarfar en hann. Hann hefur klárlega bætt hugarfarið í klefanum," sagði Shaw.