Bamford kom knettinum þó tvisvar sinnum í netið en fyrra mark hans var dæmt af vegna afar umdeildrar rangstöðu þar sem handleggur hans var millimetrum fyrir innan aftasta varnarmann.

Bamford trúir ekki að það hafi verið dæmd rangstaða og er ekki sá eini sem skilur ekkert í þessari dómaraákvörðun.

„Ég skil ekki regluna, hvernig getur handleggurinn verið rangstæður ef ég má ekki nota hann til að skora? Þetta gerðist fyrir mig í dag en ég hef séð þetta áður, þetta er að eyðileggja fótboltann. Þú vilt sjá mörk í fótbolta og að dæma mark af fyrir eitthvað svona er bara heimskulegt," sagði Bamford.

„Dómarinn sjálfur var meira að segja ósammála ákvörðuninni. Það verður að laga þessar reglur."

Leeds átti þokkalegan leik en heimamenn nýttu færin sín betur og voru 3-1 yfir í hálfleik eftir að hafa fengið sinn skerf af heppni.

„Við stóðum okkur betur í dag heldur en gegn Leicester. Við vorum ekki nógu snöggir að hreyfa boltann og erum ánægðir að fara inn í landsleikjahlé. Við erum sáttir með gengi okkar í fyrstu 8 leikjum tímabilsins."

Sjá einnig:
Rangstaða á Bamford því hann benti - „Orðið algert grín"