Unglingalandsliðsmarkvörðurinn Jökull Andrésson stóð vaktina í markinu hjá Exeter þegar liðið lagði Fylde að velli enska FA-bikarnum þennan laugardaginn.
Fylde tókst að skora fram hjá Jökli eftir 11 mínútur en Exeter svaraði því vel og var búið að taka forystuna 2-1 fyrir leikhlé.
Ekki voru fleiri mörk skoruð í leiknum og lokatölur 2-1 fyrir Jökul og félaga.
Exeter er í fjórðu efstu deild á Englandi og Fylde er í sjöttu efstu deild. Exeter er komið áfram í 2. umferð bikarsins.
Jökull er á láni hjá Exeter frá Reading en möguleiki er á því að þetta hafi verið síðasti leikur hans fyrir félagið. Lánssamningur hans á að renna út í næstu viku.
Athugasemdir
