Alvaro Morata, leikmaður Juventus, hefur verið valinn í spænska landsliðshópinn í fyrsta skiptið í meira en ár.
Þetta var staðfest í gær en Luis Enrique, landsliðsþjálfari, ákvað að gefa Morata séns fyrir verkefni í Þjóðadeildinni.
Síðasti leikur framherjans kom í nóvember í fyrra þegar Spánn vann öruggan 5-0 sigur á Rúmenum í undankeppni EM.
Spánn mun leika við Þýskaland í vináttuleik á miðvikudag og mætir svo Sviss og Þýskalandi í Þjóðadeildinni.
Morata hefur farið vel af stað með Juventus í vetur og snýur aftur í hópinn líkt og miðjumaðurinn Koke hjá Atletico Madrid.
Athugasemdir