Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 07. nóvember 2020 23:30
Ívan Guðjón Baldursson
Myndband: Bróðir Rooney skoraði frá eigin vallarhelmingi
Mynd: Getty Images
John Rooney, yngri bróðir Wayne Rooney, var að skora sitt sjötta mark í sex leikjum með Stockport County sem leikur í utandeildinni á Englandi.

Rooney gerði fyrsta mark leiksins í fræknum 1-2 sigri á útivelli gegn C-deildarliði Rochdale í FA bikarnum í dag.

Rooney var þá með boltann á eigin vallarhelmingi og tók eftir að markvörður Rochdale var kominn af marklínunni.

Hann var snöggur að hugsa og hikaði ekki við að láta vaða. Boltinn flaug yfir markvörð Rochdale og er hægt að sjá þetta glæsilega mark hér fyrir neðan.

Það er ljóst að John hefur fengið eitthvað brot af þeim hæfileikum sem Wayne stóri bróðir hans fæddist með. John Rooney verður þrítugur í desember.


Athugasemdir
banner
banner
banner