fim 07. desember 2017 21:14
Ívan Guðjón Baldursson
Ronaldo vill klára ferilinn hjá Real
Mynd: Getty Images
Cristiano Ronaldo vann Gullknöttinn í fimmta sinn í kvöld og jafnaði þar með met Lionel Messi.

Ronaldo og Messi eru án nokkurs vafa bestu knattspyrnumenn sinnar kynslóðar, ef ekki allra tíma.

Ronaldo verður 33 ára í febrúar og vonast til að eiga ennþá nokkur ár á toppnum. Messi er tveimur árum yngri.

„Ég vona að ég geti haldið áfram að vera meðal þeirra bestu í heimi í nokkur ár til viðbótar," sagði Ronaldo.

„Baráttan við Messi heldur áfram. Við gerum okkar besta fyrir félögin okkar.

„Mér líður vel og við sjáum til hvað gerist í framtíðinni. Ég er hamingjusamur hjá Real og vil helst klára ferilinn hér."








Athugasemdir
banner
banner
banner
banner
banner