banner
   þri 07. desember 2021 09:25
Elvar Geir Magnússon
Tveir leikmenn Barcelona á blaði Man Utd
Powerade
Ralf Rangnick vill fá Frenkie de Jong.
Ralf Rangnick vill fá Frenkie de Jong.
Mynd: EPA
Tyrese Campbell er orðaður við Newcastle.
Tyrese Campbell er orðaður við Newcastle.
Mynd: Getty Images
Szalai (til vinstri) er orðaður við Chelsea.
Szalai (til vinstri) er orðaður við Chelsea.
Mynd: EPA
Azpilicueta, Dembele, De Jong, Mee, Messi, Ibrahimovic og fleiri í slúðurpakkanum að þessu sinni. BBC tók saman það helsta úr ensku götublöðunum.

Spænski varnarmaðurinn Cesar Azpilicueta (32) hjá Chelsea er kominn langt í viðræðum við Barcelona um að ganga í raðir félagsins í sumar. (El Nacional)

Manchester United hefur bæst í hóp félaga sem reyna að fá Ousmane Dembele (24) vængmann Barcelona. Newcastle vill einnig fá franska landsliðsmanninn sem verður samningslaus næsta sumar. Ferill hans hjá Barcelona hefur ekki náð flugi vegna sífelldra meiðslavandræða. (Mundo Deportivo)

Ralf Rangnick hefur áhuga á að fá hollenska miðjumanninn Frenkie de Jong (24) frá Barcelona til Manchester United. Þýski stjórinn er að hefja uppbyggingarferli á Old Trafford. (El Nacional)

Eddie Howe, stjóri Newcastle, hefur áhuga á enska sóknarmannium Tyrese Campbell (21) hjá Stoke. Hann gæti orðið fyrsti leikmaðurinn sem félagið fær eftir yfirtöku Sádi-Arabana. (Sun)

Newcastle er einnig tilbúið að tvöfalda laun varnarmannana Ben Mee (32) og James Tarkowski (29) til að lokka þá frá Burnley. (Mirror)

Marco Rossi, landsliðsþjálfari Ungverjalands, segir það klárt að varnarmaðurinn Attila Szalai (23) fari frá Fenerbahce til Chelsea. (Mirror)

Mohamed Elyounoussi (27) segir að hann og fjölskylda hans séu ánægð með lífið í Southampton. Hann hefur verið orðaður við Arsenal. (Sun)

Njósnarar Leicester City voru meðal áhorfenda þegar Juventus vann 2-0 sigur gegn Genoa um helgina. Þeir voru að fylgjast með franska miðjumanninum Adrien Rabiot (26) og ítalska landsliðsmanninum Federico Bernardeschi (27). (CalcioMercato)

Zlatan Ibrahimovic (40) segist vonast til að vera hjá AC Milan út ferilin. (Star)

Diogo Dalot (22) hefur sent frá sér skýr skilaboð um að hann sé tilbúinn að gera allt til að njóta velgengni hjá Manchester United. Þetta minnkar vonir Roma og fleiri félaga sem hafa áhuga á Dalot. (Daily Mail)

Arsenal hyggst lána enska unglingalandsliðsmanninn Folari Balogun (20) í janúar þrátt fyrir að félagið muni væntanlega missa Pierre-Emerick Aubameyang (32) í Afríkukeppnina. (Express)

Bournemouth í Championship-deildinni er meðal félaga sem vilja fá Balogun. (Bournemouth Echo)
Athugasemdir
banner
banner
banner
banner