Tveimur leikjum var að ljúka í enska bikarnum í dag. Bristol City og Swansea mættust og þá tók Derby á móti Barnsley.
Í Championship slagnum milli Bristol og Swansea fór jafntefli en Joel Piroe kom gestunum frá Wales í forystu eftir fimmtán mínútna leik.
Antonie Semenyo jafnaði metin fyrir heimamenn á 75. mínútu leiksins og því er ljóst að liðin munu þurfa að mætast aftur í Wales og útkljá málin þar.
Þá var League One slagur þar sem Derby og Barnsley áttust við en bæði lið eru ofarlega á töflunni í deildarkeppninni.
Derby fór auðveldlega í gegnum Barnsley og vann með þremur mörkum gegn engu. Liðið er því komið áfram í næstu umferð.
Bristol City 1 - 1 Swansea
0-1 Joel Piroe ('15 )
1-1 Antoine Semenyo ('75 )
Derby County 3 - 0 Barnsley
1-0 James Collins ('45 , víti)
2-0 Tom Barkhuizen ('60 )
3-0 Jason Knight ('79 )