Þeir sem sóttu um miða ættu nú að vera komnir með staðfestingu frá FIFA á miðum sínum. Þá eru margir miðahafar farnir að velta fyrir sér ferðum til Rússlands til þess að fylgjast með Íslenska landsliðinu á mótinu.

Lúðvík Arnarson hjá VITA Sport segir að um eitt þúsund Íslendingar fari með þeim á mótið í sumar.

„Ásókn í okkar ferðir er mikil og stefnir í að við hjá VITA Sport séum að sinna um það bil eitt þúsund Íslendingum sem ætla sér að fylgja liðinu okkar á HM," sagði Lúðvík við Fótbolta.net í gær.

„Við erum með allar tegundir af ferðum, á hvern leik fyrir sig, ferð á fyrsta og annan leik í riðlinum, ferð á annan og þriðja leik og svo líka auðvitað ferð á alla leikina. Flestir eru að fara á einn leik, en við erum með hátt í tvö hundruð manns sem eru að fara á fleiri en einn leik,“ bætti hann við.

Aðspurður hvort laust væri í einhverjar ferðir, þá nefndi Lúðvík að ennþá væru örfá sæti laus í bæði stutta tveggja nátta ferð á leikinn gegn Argentína í beinu leiguflugi. Einnig er eitthvað laust í 3 nátta ferð á sama leik, þar sem flogið er í beinu leiguflugi út 15. júní til Moskvu, en flugið heim að kvöldi 18. júní væri í áætlunarflugi með einni millilendingu.