Varnarmaðurinn Hólmar Örn Eyjólfsson tók þátt í því um síðustu helgi að slá félagsmet hjá liði sínu Levski Sofia í Búlgaríu.
Levski spilaði þá ellefta heimaleikinn í röð án þess að fá á sig mark. Alls hefur liðið fengið á sig tíu mörk í 23 leikjum.
Levski spilaði þá ellefta heimaleikinn í röð án þess að fá á sig mark. Alls hefur liðið fengið á sig tíu mörk í 23 leikjum.
Hólmar hefur leikið alla ellefu leikina en Levski er í þriðja sæti búlgörsku deildarinnar.
Tímabilið 1970/71 hélt Levski hreinu í tíuheimaleikjum í röð en þess má geta að allir af þeim unnust.
Hólmar er í harðri baráttu um að vera í íslenska landsliðshópnum fyrir HM í Rússlandi en hann náði ekki að komast í EM hópinn fyrir tveimur árum.
Eftir rúma viku verður opinberaður landsliðshópur sem er á leið til Bandaríkjanna að spila vináttuleiki gegn Mexíkó og Perú.
Athugasemdir