Sóknarmaðurinn Odion Ighalo vonast til þess að lánssamningur sinn við Manchester United verði framlengdur þar til enska úrvalsdeildin klárast.
Nígeríumaðurinn þrítugi kom á láni frá Shanghai Shenhua í Kína í janúar og er með lánssamning sem gildir til 31. maí.
Enska úrvalsdeildin vonast til þess að keppni fari aftur af stað í júní en Kínverjar áætla að hefja leik í lok júnímánaðar.
Nígeríumaðurinn þrítugi kom á láni frá Shanghai Shenhua í Kína í janúar og er með lánssamning sem gildir til 31. maí.
Enska úrvalsdeildin vonast til þess að keppni fari aftur af stað í júní en Kínverjar áætla að hefja leik í lok júnímánaðar.
„Ég vil klára tímabilið hjá United ef það er mögulegt," sagði Ighalo við BBC Sport.
„Ég var í góðu formi, flottu standi, skoraði mörk og nú hefur allt verið stopp. Ég hef gert mitt besta og vonandi fer tímabilið aftur af stað."
„Liðið var á góðu skriði þegar veiran braust út."
BBC hefur heimildir fyrir því að United ætli að reyna að framlengja lánsdvöl Ighalo sem hefur skorað fjögur mörk í átta leikjum fyrir félagið.
United er í fimmta sæti þegar níu umferðir eru eftir.
Athugasemdir